Jisim Semar Badranaya

Sem pengangkeun ngangkeun

Mar menyemarakan dzat na alam

Semar mung ukur ngaku ngaku wungkul, sa enyana mah Allah nu kagungan.

Kuncung semar aya 99 lembar atawa 360  lambar, 

99 bijina 9, 9+9=18, 1+8=9, 

360 bijina 9, 3 jeung 6.

jadi angka 9 kaitu kadieu balik deui jadi 9.

9 ieu hartina 9 palawangan: 

Panon 2, 

Irung 2, 

Ceuli 2, 

Baham 1, 

2 deui palawangan nu dihandap, 

Kasapuluhna wujud.

9 Nafsu: 

Amarah, 

Lawamah, 

Sawiah, 

Mulhamah, 

Mutmainah, 

Rodiah, 

Mardiah, 

Kamilah, 

ngancikna dina Baliah, sareung Nuroniah.

Kajerokeun deui

Panon jeung awasna, ceuli jeung dengena, irung jeung ambeuna, baham jeung ucapna, sarap jeung rasana, ati jeung pikirna, otak jeung akalna, leungeun jeung obahna, suku jeung lengkahna, ka sapuluh wujud jeung hirupna.

Raray bodas, nu jadi gambaran hate, nu matak raray kudu marahmay kasaha-saha, ulah kejut karisut.

Awak hideung, awak teh tina bumi , kageuleuhan kakeumeuhan, asal muasal urang.

Kuncung aya ditengah-tengah mastaka, gambaran istiqomah, panceg, teu galideur, panceg dina ngayakinkeun teu aya deui anging gusti sembaheun urang sadaya, kakasihna Allah.